蔥油豬扒有人話用蛋白醃肉會稔
又有人話用梳打粉得但係又有怪味
咁到底邊樣好味啲
今日買咗一盒豬扒大約1Kg
入面有六塊
2塊厚4塊薄
剛剛好分兩組 500g 一組
一組用蛋白
另一組用梳打粉
用同一份量調味醃6小時
比我屋企兩個試食專員盲測

豬扒分兩組
洗淨 抹乾 一定要抹乾先可以醃得入味
用刀背鬆下豬扒
有筋膜就切斷佢

兩個大碗分開 每邊都係500g
鐵碗用一個蛋白醃
玻璃碗用1/4茶匙梳打粉醃

蛋黃留返炒飯 蛋白打勻
一齊醃20分鐘之後再落加調味料
調味料
花彫酒兩湯匙
生抽1.5湯匙
胡椒粉半湯匙
鹽半茶匙
豆粉1茶匙
糖兩茶匙
撈勻

大家仲記唔記得邊個碗用蛋白邊個碗用梳打粉
左邊不鏽鋼碗係蛋白
右邊玻璃碗係梳打粉
睇光澤都有分別
蛋白醃係光啲濕潤啲
梳打粉醃就啞面啲
將調味料分兩份
醃6小時

蔥油豬扒
煎豬扒前先整蔥油
呢啲蔥係我自己種比較粗大
所以要保留蔥白再生長
我用蔥白以上一段 加少許乾蔥
蔥分三份
蔥尾放碗
中間一段及粗身分開炸因為比較厚身
細火熱油
先炸乾蔥蓉至少許乾身
之後放粗身蔥粒
再放中間嗰段蔥
熄火
碗入面放1/4茶匙鹽
倒入蔥油 加少許生抽撈勻

煎豬扒
第一次比試用厚切的一組
左邊不鏽鋼碗係用蛋白醃
右邊玻璃碗係梳打粉醃
中細火熱鑊落油
先落蛋白醃的放左邊
梳打粉醃的放右邊
兩分鐘後反轉煎另一面
開始熟就用另外一個夾再反一下
生熟食物工具要分開用
上碟
好公平嘅 蛋白組先上 之後到梳打組
每邊切一塊相同位置
揾事頭婆先試食 (佢唔知邊組打邊組
先試左邊蛋白
再試右邊梳打粉
結果係⋯
味道方面係一樣嘅
但係肉嘅質感呢 蛋白組係乾身啲有少少鞋
梳打粉組係肉質嫩滑啲口感豐富啲

第二組比試
煎埋另外四塊薄身豬扒加埋蔥油
一樣係左邊蛋白組
右邊梳打粉組
今次係另一位試食專員 即係少爺
一樣各切一塊盲試
結果係⋯
梳打粉組再次勝出
食晒成碟之後再問下兩位意見
蛋白組係鞋、乾身左啲
梳打粉組係肉質嫩滑軟熟多汁, 口感好好多