#سويلم_العلي_السهلي
#شبيب_جعيلان_الرشيدي
#احمد_الناصر_الشايع

من الأمـثال الشعبيه
( زودن على الحمى مليله ) المليله هي الرمل الحار جدا كانت توضع قديماً مثل الكماده للمريض

لا بد شن سهل : حلاق وقلاع ضروس : جاز : اثمة تقل بوك : الضرس يجزي من الوجع : لجت علية الضروس : طاير منة وشرة : منسم : راس رضوى : ميهاف : ضالين علية القطين
فنشوة

((الجدايل للرجل بالسابق تدل علي المرجلة والشجاعة))


قصيدة للشاعر سويلم العلي السهلي رحمة الله
ياجز قلبي جز جاز يجزة
جز الجزاز مجززة جاز جازي
الضرس لامنه رقل لا تلزة
بس اقلعة تري ماهو لازي
____________________________
قصيدة للشاعر شبيب جعيلان الرشيدي من الكويت يعشق فتاة وبسببها فصل من عمله رحمة الله
سبت لطيف الروح قصـوا معاشـي
والـتـالـيـة فـنـشــت مـــــن سـبـتـلــه
ابــو ثـمــانٍ مـثــل حـــب القـمـاشـي
مـاقــص مــــن خـرجـيـتـي فـدوتـلــه
مابـي عملكـم ريحـوا مـنـه جـاشـي
واخذوا معاشـي ياهـل الشغـل كلـه
مزهـبـن شـغـلـي وطـــاوي فـراشــي
وهذي سوات اللي نوى شوف خله
من سار فالدنيا مـع النـاس عاشـي
كـــل ورزقـــه يـاصـلـه فــــي مـحـلــه
الـرزق عنـد الله منـشـي الرشـاشـي
اخـيـر مــن قـصــر الـقـصـا والمـمـلـه
قصـرٍ يمينـه مـع يـسـاره عشـاشـي
مـنــه يـشـيـب الـرجــل قـــدام حــلــه
نـبـي نـخـاوي مبـعـديـن المـعـاشـي
خـــــدٍ جـمـاعـتـنـا تـجــيــه وتــدلـــه
واشوف من قلبه صخيفٍ هشاشي
الــلـــي بـقـلـبــي ثـــابـــتٍ مـــنـــزلله
مـبـيّــنٍ حــبـــه ولابـــــه خـشــاشــي
حبـه علـي وضـح النقـا منصـح لــه
حلـيـتـهـا ريـمـيــةٍ يــابـــو نــاشـــي
الـقــايــده لــصــيــد دقــــــه وجـــلـــه
هجـت تنـوش القـاع قدمـه نواشـي
والصـيـد كـنــه مـــن وراهـــا تـجـلـه
الـلـي زهــا خــده دقــوق النقـاشـي
يـاحـلــو دقــــاتٍ حـــــدر مـبـسـمـلـه
بالهجـس ولا منـه ماشفـت انـاشـي
ابـــو جـديــلٍ فـــوق الامـتــان هــلــه
خـده كمـا بـرقٍ ســرى لــه تـواشـي
فــي لـيـلـة الـغــدرا نـشــت مزنـتـلـه
يفرح بها راعي القطيـع العطاشـي
وقــــف يـخـايـهـا وهــــي مسـتـهـلـه
اقولهـا والصبـح ياسـعـود مـاشـي
وهذي علوم اللي نـوى شـوف خلـه
____________________________
احمد الناصر السكران
الرزق ماهو عند ابو رزق وخليف
من يد كريمة يستجيب دعيتة
____________________________
قصيدة للشاعر سليمان بن شريم رحمة الله
يا ونتاه اللي برت جسم حالي
بري الدبا نبنوب غصن تغشلاه
على عشير بالموده صفا لي
وازريت أنوش حماه وانا اتعداه
غرو جبينه مثل خط الهلالي
سبحان رب صوره لين سواه
وحياة رب كمله بالجمالي
من مفرق الهامه إلى حد ماطاه
انه منول وامس واليوم غالي
واتلى زمانه بالغلا مثل مبداه
ماله حلي إلا مودة عيالي
اصغر عيالي بالغلا كنه إياه
لا ابطيب ماشفته وهو ماعنالي
عفت المكان اللي يغيظه ويجفاه
لو دلهوني عنه مانيب سالي
اشفق على شوفه واهوجس بطرياه
شوفه دواي وقل شوفه زوالي
حكيم طب جامع داه ودواه
حقه على إلى تزخرف قبالي
ابعد مزاره بالهوى واتمناه
وحقي عليه إلى اعترض له مجالي
يصفح ويلقاني على الطول والقاه
ما به من العذروب عنق الغزالي
إلا الزمان اللي حداني وعداه
ريقه حلا من در عفر متالي
لا روحن من مدفق سال مجراه
هبي بريحه ياهبوب الشمالي
كود الجنوب ومطلع الشمس تنصاه
عبث صبيت لعشرته من صبا لي
سجلي بنجله والموده مجازاه
ياما وياما فرقتنا الليالي
نجع مقيم وفرق البعد لاماه
أقفت مراحيله وانا اقفت رحالي
خليت مداهيله وعميت ركاياه
وخان الزمان بعشرته والتوالي
ورثت من يصفق شماله بيمناه
وعضيت بسرة شاهدي من هبالي
وونيت ونة من نقل داه برداه
اسهر إلى نام المعافى لحالي
والصبح اجدد ذكر حمام واسماه
هني دحش دب الايام سالي
ماولعه طرد العماهيج واغراه
ولا صلاه من التصاريف صالي
وذاق الفراق وتاه مثلي بمسراه
ياطول ماطاوع نسيم الهوا لي
من قبل يبدي لي من الوقت مجفاه
واعتضت من عقب الجديد السمالي
ولا ينفع الفايت ولو قيل محلاه
ليتي قريب له وبيته موالي
والعلم من بيني وبينه مناجاه
ان كان له بمواجهي مثل مالي
وقلبي معه يبراه والهم يبراه
وإلا تراني عنه طاون حبالي
يلقى وانا القى واحد كنه إياه
مانيب من يتبع خفيف الخيالي
إلى تحدر بارقه عفت مرعاه
هذا وصلوا عد رمل السهالي
على نبي (ن) شيع الدين واحياه
وآله وصحبه كلهم بالكمالي
واللي تبع سنة نبيه ومجراه
____________________________
قصيدة للشاعر احمد الناصر الشايع رحمة الله
الا ياونتاه اللي من الفرقا برت حالي
كما بري الدبا الغصن الوريق اللي على حله
على اللي من ثلاث سنين هو همي وغربالي
ولكن ماحصل لي منه ساعةٍ تبري العلة
إلى مني بغيته في محله ماتهيالي
وإلا منه بغى ياصل محلي صار به ذلة
____________________________
يقول الشاعر سليمان بن شريم
يالله يا مجري القمر من مغيبه
يا مرجعه للشرق من عقب تغريب
تفرج لعينٍ من سهرها عطيبه
عيا يفيد بها الدوا والتطابيب
____________________________
قصيدة للشاعر عبدالله بن حمود بن سبيل رحمة الله
يالله ياللي تسجد الناس لرضاه
ياوامرن خلقه على حج بيته
تفرج لمن سدّه على الناس ماابداه
راضي على مقسومك اللي عطيته
من شي يسل الحال والجسم يبراه
والناس مايشفونه ان ماشفيته
قلت آه واجرحاه من خلتي آه
وان حملوني حمل غين قويته