ابيات شعرية دائما يرددها الناس وتبقي خالدة
ما ينفعك يا أبا زيد يوم تقيمه
لا صارت الفرقى عليك لزوم

الزين مثل الحياء متبوع
لو ماتلا الناس يتلونه
والشين مثل الدهر مقطوع
يمشون لين ايتعدونه

قصيدة للشاعر مقحم النجدي الصقري العنزي
والتي تعتبر من اشهر قصائد شيخات القصيد
يالله يالمطلوب يا والي الأقدار
أنت الذي مدّات جودك لطيفه
اطلبك يالمعبود عاون هل الكار
تحل شطات عليهم كليفه
اللي مجالسهم بها بن وبهار
ونجر يصوّت للهجافا رجيفه
مكارم للضيف أصيلات وكبار
ومفطحات في صحون نظيفه
يا مزنة غرا من الوسم مبدار
اللي جذبنا من بعيد رفيفه
تومر على كل المفالي بالأمطار
تصبح بها خدان قومي مريفه
غب المطر فاحت بها ريح الأزهار
تخالف النوار مثل القطيفه
ترعى بها قطعاننا سر واجهار
تقطف زماليق الفياض النظيفه
قطعانا يما رتعن دمنة الدار
في ظل مرذين الغلب والرهيفه
ترعى بضف القوش بقصاف الاعمار
تقطف زهر مرباعها مع مصيفه
في ضفه الله ثم جبر وجبار
خيالة يوم الملاقا عنيفه
تسمن بها وضحى من الذود معطار
غبوقة الخطار عجل عطيفه
يبني عليها بنيه اللبن لجدار
عقب الضعف تصبح ردوم منيفه
ماهي حكايا مسرد عقب ما نار
اللي هرب واطراف رمحه نظيفه
إن سوهجوا عنها قليلين الأبصار
من دونها نروي السيوف الرهيفه
والصبر مفتاح الفرج عند الاذكار
ومن لا صبر تصبح حواله كسيفه
خطوى الولد مثل البليهي إلى ثار
زود على حمله نقل حمل اليفه
وخطوى الولد يبلش على شبة النار
مع العرب يشبه لخطوى الهديفه
والى بخصته ماسوى ربع دينار
عود على صفر تضبه كتيفه
وخوطى الولد يا مال قصاف الاعمار
لا نافع نفسه ولامنه خيفه
وخطوى الولد مثل النداوى الى طار
صيده سمان مايصيده الضعيفه
حنا كما مشخص عن الصرف ما بار
بالوزن يرجح والمصاري خفيفه
الا ومع ذلك لك لله لنا كار
عن جارنا ما قط نخفي الطريفه
حنا نرى في زلة الجار لو بار
نضحك حجاجه بالعلوم اللطيفه
نرفى خماله رفية العش بالغار
ونودع له النفس القوية ضعيفه
ولا نبدي الخافي الى صار ما صار
يفلج قصير البيت لو بان حيفه
احد على جاره بخترى ونوار
واحد على جاره صفاة محيفه
الجار لابده مقفي عن الجار
كل بجيرانه يعد الوصيفه
نكرم سبال الضيف حق وتعبار
لامن ولد لاش شح برغيفه
لابدها ترجع تواريخ وأذكار
وتبقى لدسمين الشوارب وظيفه



قصيدة اخري للشاعر ناصر محمد السياري

إن كان عقل الرجل يدرك لسانه
تراه ما يغلط ويخطي على الناس
وإن كان عقله عاجز عن بيانه
لا تنصحه ثم يتجرد ملأ لباس
منتب وكيله تاخذه بالضمانه
إلى نهيت الخبل فأبشر بالافلاس
لا تامنه ولا تأَمّنْه أمانه
ترى الرجا به ما يفكك من الياس
الطبع عضوٍ في كثير هذرانه
ورثٍ من الماضي وتهجين الأنجاس
ماهوب ساكت لو تجوِّد جرانه
منته بمجبورٍ على كتم الأنفاس
يقوله اللِّي ما صفا له زمانه
طوال ليله بين ونّه وهوجاس
صابر ولا يرضى لنفسه بإهانه
ما ينسجم مع صوت عودٍ ومرواس
ما مد كفّه للردي واستعانه
ولا يبدي أسراره على كلّ بلاّس
النذل لو يملك بلاد الكنانه
ساس النحاس ما يشبه الماس

________

شعراء المملكة
عبدالله بن علي بن دويرج هدبان
محمد بن سليمان المحسن الدرم
عبدالله بن محمد الصبي مبيرش
لافي الشراري هداج
عبدالكريم الجرباء ابو خوذة
عبدالله بن سعيدان دابان
محمد العجيمي ابو جراد
حمد السياري “حميدان الشويعر”
مرشد بن سعد البذال الرشيدي
احمد الناصر الشايع
دغيم بشير الظلماوي
زيد الخوير التميمي
بدر بن عواد العتيبي
سويلم العلي السهلي
حباب الغربي العتيبي
احمد الناصر السكران
مساعد الجارالله الغزي
غانم بن دخيل الغانم
عبدالله بن حمد السبر
علي بن ابراهيم القري
صالح بن عبدالعزيز المنقور
شرهان بن علي الشرهان
عبدالله بن محمد السياري
محمد بن حمود بن سبيل
ردهان بن عنقا الشمري
عبدالعزيز المشاري الصعب
علي بن عبدالرحمن ابو ماجد
محمد بن شريف الجبرتي
مستور تركي العصيمي العتييي
حمد بن عبداللطيف المغلوث
شبيب بن جعيلان الرشيدي
سليمان بن عبدالكريم العويس
محمد بن سليمان الضالع
عبدالله بن محمد النوشان
عبدالله بن حمود بن سبيل
مقحم النجدي الصقري العنزي
محمد بن عبدالعزيز الحجي
خليف ابن راضي العجيلي الشمري
محمد بن هزاع البليهي
صالح بن عبدالله السكيني
بدر الحويفي/ علي ابن سند / عبدالعزيز الهذيلي
مطلق الثبيتي / خلف العتيبي / عبدالله البحر
عواد بن نادر / جارالله السواط / سعد البلوي
جبارة البرقاني / حمود النافع / طلق الهذيلي
ناصر المسعري / عبدالله السياري / محمد السياري
محمد بن لعبون / نمر بن عدوان / راكان بن حثلين
رشيد الزلامي / محمد بن مسلم / جديع العنزي
بدر الحويفي / علي بن رشيد / عقاب ابن عميرة
محسن الهزاني / ماجد بن عضيب / عبدالعزيز السليم
خالد البقمي / محمد العتيبي / سبيل الحربي
سعد السبيعي / عبدالله الجبرتي / عبدالله بن نويهض
سفر الدغيلبي / بديوي الوقداني / تركي بن حميد
محمد القاضي / صقر النصافي / ناصر بن قرملة
فيصل بن لذيذ / فهد بن احمد / صياف الحربي
سعد بن جدلان / عبدالله بن لويحان / ناصر الشيباني
محمد الجبرتي / عبدالله المسعودي / شلويح المطيري
محمد بن جرشان / فلاح العتيبي / حسين العواجي
سليمان بن شريم / خالد البقمي / مفرح المطيري
ابراهيم بن جعيثن / راشد بن جعيثن / محمد المنصور
عبدالعزيز السليم / زبن ابن عمير / ابراهيم اليوسف
ناصر السكران / فهيد السكران / علي ابن فهيد
صالح الريس / لافي الحربي / فواز رحيل العنزي
ناصر المسيميري / فايز الحربي / رديني العبدالكريم
سعد بن زامل / سليمان بن سلطان / عثمان القديري
محمد العبودي / عبدالمحسن البقعي / سعد السبيعي
عبدالله ابو عباة / ناصر بن شنار / فهد الجافور
نواف العازمي / فيصل الرياحي / حبيب العازمي
خلف ابن دعيجا