Gen (Rtd) Marcel Gatsinzi, yitabye Imana tariki 6 Werurwe 2023 azize uburwayi, tariki 12 Werurwe 2023, ni bwo umurambo we wageze mu Rwanda uvuye mu Bubiligi. Kuva mu 2002 kugera 2010, General Gatsinzi yari Minisitiri w’Ingabo, nyuma yaho agirwa Minisitiri wo gucyura impunzi kugeza muri 2013, ari nabwo yahise ajya mu kiruhuko cy’izabukuru. Umuhango wo kumusezeraho bwa nyuma wabanjirijwe n’igitambo cya Misa cyaturiwe kuri Paruwasi ya Regina Pacis i Remera, mbere yo gushyingurwa mu irimbi rya Gisirikare i Kanombe.