神耆小子Kent哥新劇下周首播大讚拍檔 Archie新作意外成全劇寵兒

新劇《神耆小子》下星期就會正式同大家見面呢日劇中演出嘅 鄭則士 樊亦敏 蕭正楠 曹永廉 冼靖峰 羅毓儀 等就到商場宣傳為新劇造勢喇。劇中扮演「玫瑰」嘅 Amy呢日仲現場大唱《甜蜜蜜》唔知Kent哥扮演嘅錢大海聽完有咩感受呢

相隔5年再拍攝TVB劇集嘅Kent哥今次同新人Archie合作日前就被Archie公開曝到爆嘅關心細節喇而呢日佢就話同Amy、阿廉仲有蕭公子等合作開心到不得了大家合作仲超有層次同火花十足搞到Amy都唔知點回應先好喇。

而戲中同Archie係養父養子關係嘅Edwin就指同「妙音龍子」合作大讚佢聽教又乖仔肯捱之餘仲成為全體狂寵對象學嘢仲勁快呀。至於佢早前同太太翠如歐遊慶祝結婚周年就話氣氛非常浪漫喇。

至於阿廉近日以長輩身份參與太太堂妹 姜麗文 嘅婚宴呢日佢就話非常戥Lesley高興仲話當日氣氛非常開心更開口話希望一對子女快啲成家呀。

首次擔正演出劇集又同Yuki有感情線嘅Archie開工一星期就有親熱戲就令佢呢日講起都覺得非常尷尬身為新人嘅佢仲話亦因為呢場戲令佢同其他演員嘅信任度都大增咁話。日前 Loong9 嘅首次公開活動臨門煞停Archie就話自己都對主辦單位所指「不可抗力」 有疑問亦覺得非常可惜仲希望可以盡快補辦活動同Fans見面呀。

#神耆小子 #鄭則士 #樊亦敏 #蕭正楠 #曹永廉 #冼正峰 #羅毓儀 #黃翠如 #結婚周年 #歐遊 #姜麗文 #婚宴 #Loong9 #不可抗力 #取消 #補辦
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0