周殷廷處男騷獲激動歌迷拋底褲 對與佘詩曼合作即大賣關子

周殷廷YT一連兩場嘅處男個唱圓滿落幕YT賣力唱跳為歌迷送上完美演出。而YT亦有展現感性一面自認「失敗」嘅佢喺台上感激家人一直支持亦希望自己可以令家人感到驕傲。YT深明追逐夢想係需要有人信自己、陪自己而呢一切都唔係必然。

YT喺呢兩晚分別邀請Gin Lee李幸倪同Jace陳凱詠擔任嘉賓YT同Gin Lee係獨自離鄉背井喺香港追夢亦試過同步跌入低潮而佢好感激喺絕望時得到Gin Lee扶自己一把。如今終於同Gin Lee喺演唱會合唱令YT感動到淚流滿臉。

去到Encore環節YT大方騷肌派福利搞到有歌迷激動將內褲拋上台面對大家齊聲要求除衫嘅要求YT冇順應民意事關佢覺得如果呢一日除衫他朝一日踏上紅館時就要連皮都除埋落嚟所以YT認為要將呢一刻留喺紅館時先再講更相約歌迷未來紅館見。

YT喺呢個騷更以新晉男團「JFYT」成員出場仲好大口氣話「JFYT」係香港第一男團笑言自己從來唔放其他男團喺眼內。而YT完成個唱後將會有唔少電影工作好似佢執導嘅電影都引嚟視后佘詩曼留言大讚至於二人未來會唔會有合作可能YT透露阿佘有睇過劇本二人有見面討論一啲事不過YT就大賣關子。

#周殷廷 #陳凱詠 #GinLee #李幸倪 #JFYT #佘詩曼 #男團 #電影 #追夢 #低潮 #家人 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0