人氣王譚輝智一出道即辦個唱 預告辦答問環節專答尖銳問題

譚輝智 身為《中聲2》嘅亞軍兼人氣王5月尾仲會舉行首次個人演唱會呢日父母、太太、一對子女仲有一班中二好戰友就齊齊現身演唱會捧場打氣而輝智亦即場獻唱仲揀咗Eason嘅《忘記歌詞》幽自己冇記性一默呀。

一出道就有自己嘅個唱輝智就話心情比參賽時更加緊張同大壓力因為大家目光都會聚集晒喺自己身上呀。呢日大批歌迷亦都有到場應援輝智嘅太太就負責幕後嘅唔少安排工作令佢可以放鬆唔少喇。

呢日佢同Fans現場跳舞唔知到時又會唔會喺舞台忘情演出呢至於歌單方面佢就指已經大致確定仲有唔少快歌會為大家表演不過首先就要好好練氣喇。素人出身嘅佢家景同過往經歷都非常令人好奇輝智就指到時會安排答問環節大家可以向佢提問仲話問乜都得咁話喎。

#譚輝智 #首次個人演唱會 #忘記歌詞 #該不該 #跳舞 #歌單 #背景 #答問環節
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0