#الزلفي
#غانم_بن_دخيل_بن_غانم

قصيدة غانم اللي ارسلها لوالدة بالزلفي وهو كان بالكويت
يا مل نفس كاثرات شطونها
طالت لياليها وسهرت عيونها
تسهر طوال الليال قلقا حزينه
وتجاوب اللي فوق عالي غصونها
مما دهاها يا رشيد وصابها
بفراقها الخلان زيد جنونها
الي بدا الغرباب وانساق وانطوى
تخفي عن العراف لا يسمعونها
بفراقهم كل المصايب تصيبني
مصايب زادت علينا غبونها
وجدي عليهم زاد واشتد وارتكم
لا وجد طرفه عند خوله ودونها
ولا وجد غيلان على العامريه
اللي عليها هام واثبت فنونها
ولو جد بن حجر وعنتر ومحسن
ولا وجد أبو زيد بعليا زبونها
ولا وجد ابن عدوان نمر ومخلد
اللي دموعه ما تقيض شنونها
أيضا ولا وجد التميمي على الذي
تسبي عقول الناضرين بلونها
ولا وجد ابن لعبون وابن ربيعه
وابن فرج للي بقلبه طعونها
أيضا ولا الصياد وأيا خصيمه
وراكان بن حثلين حامي ضعونها
وابن وميم مع جباره ودندن
وقضاة باحوا للخلايق كنونها
أيضا سليم والبريمي وناجي
واللي حكم حايل وعالي ركونها
وجدي عليهم آه مما دهاني
لا حزن يعقوب ويونس بنونها
بمقارق الأحباب وديار حينا
يا حسرتي والعين لا تزعجونها
بفراق بو غانم وهيف وغلمة
وهيف هياف ضامرات بطونها
اللي بعد روحي وروحي فداها
دمعي عليها آه لا تحبسونها
على بنات ضامرات نواعم
سود مدامعها وشقر أقرونها
يا طارشي يم أبو غانم تخبره
الكلمه اللي قلتها له أبصونها
والله يا لولا كلمة قلتها لي
يا دارنا والله لو حيل دونها
لو حالت الاتراك لكا لمومها
معها المدافع والدنا يعملونها
أني لأجيبها لو يحطون دونها
أبطال عيال قليل سكونها
مار البلى يا بوي مما تقول لي
كلمتك هذاي في ضميري كمونها
عساك تذكرني الي جاك حاجه
صولات عيال ولا تنطحونها
ومني صلاة عد ما قال قايل
يامل نفس كاثرات أشطونها
____________________________
____________________________
رد الوالد دخيل علي قصيدة ابنة غانم ويتشرة علية
قال الذي كبده تزايد غبونها
يجاوب القمري بعالي لحونها
شفت الكتاب وهاض ما التج بالحشا
وأخف المثايل خايف يذكرونها
تركتها ذالي ثلاثين حجه
وان قلتها يا أديب جتني فنونها
أنا لها يا ديب وأعطيك ردها
أعطيك معني كلمة تفهمونها
تقولا لولا كلمة قلتها لي
سندت يم الدار لو حيل دونها
تراك مثل اللي طرف موق عينه
بيمناه ما خليتها في شطونها
تبي تعاتب والدك في كلامه
ارضاي حق وكلمتك لي تصونها
وأفعالنا أسلاف علينا مردده
أعمل وتلقا والحفظ يحفظونها
وجدي على الجمعا ولا ناب كاره
واللي كذب يعطي العمى مع جفونها
وجد الربيط اللي حباله قويه
في وسط دباب حبس في ديونها
دين على دين ولا هوب سالم
ما ظني ان أدميهم يهدرونها
غذيتكم يوم السنين الرديه
جهال عيله ما تغطي بطونها
واليوم أنا شايب على راس مكبر
وحق عليكم شيبتي تكرموها
أنا دياري من وري هيت بالقضا
شرقيها قطيات ما تفهمونها
وجابتني القدره والأقدار غالبه
للديره اللي هولتني بكونها
لا تراب عالا من تعرفه على النقا
حيد صميدع هرجتك ما يخونها
تبدي له أسرارك ويبصرك ما خفى
والا بلتك الباليه حال دونها