على الهون
كلمات : عبدالعزيز بن شهيل
توزيع : محمد المرزوق
ايقاع : تركي البيشي
ربابة : أحمد العسال
عود : هيثم الحضرمي
كورال : مجموعة ريكورد تايم
مكس و ماستر : منتظر الزايد
فيديو جرافيك : ترف


الكلمات :

على الهون ياحزنٍ لفى الخاطر الملهود
دقايق أبا اروّق وأبي أشرب بياله

دقايق واببذل لك من دموعي المجهود
ولا تشكر عيوني ولا تذكر افضاله

مصيرك تبي تقفي وتترك علي شهود
وابشقى مع شفوفٍ ما اظن تمطر خياله

أنا شف قلبي مايجي له بدل مفقود
مناله يبي قربه وراحت ولا ناله

قبل ترحل احث الوسايل على المقصود
ومن راحت الغاية وأنا حالتي حاله

ياسبحان من سوّا هذيك العيون السود
ووجهٍ لك الله ما أنت لاقي من امثاله

وعنقٍ تقل مخلوق به ريحة الكمبود
وزولٍ يالولا الخوف علمت باحواله

تموت النساء منّه إذا فكْت المعقود
على صدورهن كنْه تحط الف ثقّاله

مليّه من العفه ولا طبت المنقود
ماهي لاسمَعتْ ضرب المصاقيع مياله

وجودي على شوفه مثل ضامي القرهود
يشوف السراب ولا حصل لو تعنى له

أحبه وأحب حبه الين اصبح الملحود
ومادام النفس يجري فلا حبٍ بداله


لمتابعة الفنان في جميع مواقع التواصل عبر هذا الرابط

https://linktr.ee/a_alolaiwi