طريقة عمل السمك البورى المشوي بالرده
سمك بوري مشوي رده مقفول ولو مش بتحبو مقفول ممكن بعد ما يتفتح و يتنظف يتعمل بنفس الطريقة ...
المكونات :
سمك بوري متنضف أو مقفول مغسول و نشيل الخياشيم
التتبيله :
ملح ، كمون كزبرة ناشفه ، ليمون ، ممكن أضافة شطة لو تحبوة حار ، ثوم كزبرة خضراء مغسولة و نقطة رفيع ، كل ده يضرب في الكبة
الطريقة :
السمك بعد ما يشطف من الخارج و تنزع خياشيمة ، يصفي جيداً من المياه و ينشف بمناديل مطبخ و يوضع في صينية علي شبكة الفرن و توضع الشبكة في منتصف الفرن ،
و تشغل شواية الفرن و يقلب السمك بعد ١٠ دقائق علي الجانب الآخر حتي تمام التسوية ،
ولو لاحظنا وجود مياه نازله من السمك يشغل الفرن نفسه و ليس الشواية ، حتي يجف السمك و ناخد بالنا حتي لا يجف السمك زياده ،،
بعد ذلك نضع التتبيلة فوق السمك و تحته و يغلف جيداً بورق فويل و يوضع بالفرن وهو مطفي من الغاز .. حتي يتشرب التتبيلة ..
ولو السمك متنظف و مفتوح يوضع بداخله و خارجه نفس التتبيلة و ممكن نزيد عليها جزر مبشور و بصل مقطع رفيع ،
يقدم مع أرز أو عيش و سلاطة ...
و بألف هنا
لينك حسابي علي الانستجرام
https://www.instagram.com/p/CAQ19kvny...
لينك صفحتي علي الفيسبوك
/ nevinrecipes