संसदमा चलेको आरोप–प्रत्यारोप अव संसदको गरिमासँग जोडिन पुगेको छ । संसदीय छानविन समिति गठनको विषय पेचिलो बन्दै गर्दा उपप्रधान एवम् गृहमन्त्री रवि लामिछानेले उठाएका सवालहरुमा प्रश्न र कानूनी झमेलाको बाटो खुल्ने सम्भावना छ ।

कांग्रेस नेताहरुमाथि खनिएका रविले संसदीय समिति बनाउने मामलामा रातो पासपोर्ट प्रकरणदेखि नेपालका गोप्य सूचना विदेशीलाई वेच्नेसम्मको विषय कोट्याए । तर, ती विषय सामान्य र सरल भने होइन, थिएनन र हुने पनि छैनन् ।

रातो पासपोर्ट प्रकरण कुनैबेला चर्चामा रहने विषय थियो । यो आरोप कांग्रेस उपसभापति धनराज गुरुङमाथि मात्रै नभएर थुप्रै नेताहरुमाथि लागेको थियो । तर, धनराजले संसद सचिवालयमा रविमाथि कारबाहीको मागसहित निवेदन दिएका छन् । अदालतले गरेको फैसलाविपरित रविले बोलेको धनराजको आरोप छ । यो विषयमा बहस होला नै । तर, विदेशीलाई गोप्य सूचना बेच्ने गरेको आरोपको विषय भने सामान्य छैन । यसलाई तत्काल कानूनी दायरामा ल्याउनैपर्नेछ ।

गृहमन्त्रीले संसदमा उभिएर बोलेको विषय वहकावमा थियो भन्ने कसले विश्वास गर्ने ? विदेशीलाई नेपालको गोप्य सूचना बिक्री गरेको आरोपमा कांग्रेस महामन्त्री गगन थापाले पनि प्रतिउत्तर दिएका छन् । तर, गगन कि रवि को ठीक भन्ने खुट्याउने अधिकार जनतालाई नै छ ।

गृहमन्त्रीले यो विषयमा अनुसन्धान यथाशिघ्र गरुन् । दोषीमाथि कारबाही गरुन् । अपुष्ट र आरोपका लागि आरोप लगाउने काम मात्रै भएको भए उनले पदबाट नैतिकताको आधारमा राजीनामा दिउन् । जथाभावी गर्ने छुट कसैलाई पनि छैन । सरकार, प्रतिपक्ष, मिडिया र सरोकारवाला सबैको ध्यान जाओस् । ०००

अब न्यूज एटका हेडलाइन्स्,
१. राजनीतिक अस्थिरतालाई सत्ता आयु बढाउने अस्त्र बनाउदै प्रधानमन्त्री प्रचण्ड, विश्वासको मतमै दाउपेच, प्रतिपक्षमाथि खनिएका प्रचण्डलाई दलको रुपमा कसले स्थापित ग¥यो भन्दै कांग्रेसको प्रश्न ।।

२. संसदमा रेफ्रीको भूमिकामा हुनुपर्ने सभामुखले पक्षधरता लिएको भन्दै प्रतिपक्षी दलहरुले उठाए प्रश्न, बाध्यताको नाममा सुवासको सम्झना, गरिमा जोगाउन नसकेको आरोप, नेताहरु प्रतिशोधपूर्ण राजनीतिमा ।।

३. सहकारी पीडितहरूको वर्षौदेखिको समस्या यथावत, संसदमा राजनीतिक दलहरू आरोप प्रत्यारोपमा, नेताहरुको आपसी खिचातानीले सहकारीको समस्या ‘डाइभर्ट’ हुने आशंका ।

४. पोखरा विश्वविद्यालयले पहिलो पटक सञ्चालनमा ल्यायो शिक्षण अस्पताल, विद्यार्थीलाई अन्य विश्वविद्यालय धाउनुपर्ने बाध्यता हट्यो, स्वास्थ्य बिमा कार्यक्रमलाई गुनासोरहित बनाउन गण्डकी प्रदेशका मुख्यमन्त्री अधिकारीको निर्देशन ।

५. र, कस्तुरी, रेडपाण्डा लगायतका वन्यजन्तुहरु रारा राष्ट्रिय निकुञ्जमा देखिन छाड्यो, खुल्ला चरीचरन, चोरी शिकारी, तिब्र बन फडानीका कारण वन्यजन्तु लोप हुँदै ।


SUBSCRIBE:
   / news24tvchannel  
  / nbcnepal  
https://www.tiktok.com/@news24np?lang=en

WEBSITE : www.news24nepal.tv

#News24Nepal #SidhaKuraJanataSanga #PowerNews #Shorts