Nakikiramay po ang Radyo Natin Guimba, sa pagpanaw ni G. Jaime Galapon, 56 anios, binata. Residente ng Barangay Tampac Uno at Barangay Electrician.

Sa koordinasyon sa pamilya at kay Punong Barangay Ben Ruflo, pinababatid po ang pangyayari.

Nakagat ng aso si Kuya Jaime Galapon noong Enero 2023, ngunit nagpatandok lamang ito at hindi na nagpatingin sa Doktor.

Nagsimulang makaramdam ng panginginig, pagdudumi noong Lunes Santo at nitong Huwebes ng umaga, Abril 6, natukoy na epekto ng rabies ang karamdaman matapos matignan sa Guimba Communty Hospital.

Agad na naidala sa San Lazaro Hospital ngunit bandang 3:00 ng hapon ay binawian na ng buhay.

Panawagan ni Kapitan Ruflo sa mga nakahalubilo ni Kuya Jaime Galapon na sa Lunes, Abril 10, kayo po ay inoobliga na magpa vaccine sa Guimba Community Hospital.

Para sa iba pang detalye, makipagugnayan po kayo sa Pamahalaang Barangay.