Paano linisin ang mata ng pusa na nagmumuta at hindi maidilat. Maligamgam na tubig gamit lang ang cotton o malinis na tela, dahan dahang ipahid sa mga mata. Huwag basta basta malagay ng anumang gamot pamatak ng walang reseta mula sa beterinaryong doktor. Madalas ang dahilan nito ay bulate o yung intestinal parasite larvae na nakuha mula sa kanilang nanay. Maaari itong makuha habang nasa sinapupunan pa o kaya ay mula sa pagdede ng gatas sa inang pusa. Isa ring dahilan ay ang upper respiratory infection tulad ng sipon. Kung ang pamamaga, pagmumuta at patuloy na pagluha ay walang matukoy na dahilan o kaya ay napapansing severe na ang kundisyon, makabubuting dalhin agad sa pinakamalapit at pinagkakatiwalaang vet clinic upang masuri ng doktor at mabigyan ng kaukulang gamot.